Domois

Früher, do war alles anders,
und bessa a, des sowieso!
De Beirin war drin in der Kuchl,
und hint draußt war des Plumpseklo!!

De Gäst warn domois Sommerfrischler,
San glei bliebn 6 Wochen lang!!
Und bracht hots nu da Dampflokzischler,
am Bahnhof hams dann gwart ganz bang.

Da Opa war nu a kloana Bua,
hat de Gäst Quartier vasprochn!
Aufs Loatawagerl hot a de Koffer gschmissn,
De Leit ham den Brodn zu spat grochn.

„Junge, sag, wie weit müssen wir noch gehen??“
„Aa, do vorn kennt`s es fast scho sehn,
Nur fünf Minuten ham ma no!!"
und is mit de Koffer schnei davo.

Kloa Franzerl is oiwei schneier worn,
de Koffa hot a ja scho g`habt,
De Urlauba ham zum Schrein ogfanga,
arg hams gschimpft und schia hams gschnappt.

Warns dann endlich am Koppenlehen,
War alles wurscht, ganz froh sans gwen.
„Oh, haben wir uns jetzt geplagt,
gottseidank, jetzt sind wir da!!"
„Sigst,“ hot do da Franzerl gsogt,
„Glaabts mas iatzt? Es war ganz nah!!"

So is kämpft worn um de Gäste, fast is a Entführung gwesn!
Heit mach ma des im Internet, hoffentlich deans vui Leit lesn!!
Staffeln dean ma heitztog nimma,
des war domois doch scho schlimma.

Oiso steigt´s ins Auto nei,
es ko doch a amoi Bayern sei.
Des Navigationsgerät führt Eich scho her,
des is ja heit koi Aufwand mehr.
Servus und vielleicht bis boid,
dann werd mei Webseid abbezoit!

 

 

 

Koppenlehen 1947

Bergführerkurs 1901
4.oben rechts Johann Moderegger (Hermanns Großvater)